АҚШ президентлигига номзод бўлган Дональд Трамп ўз тарафдорлари билан учрашув вақтида унга номаълум шахс томонидан ўқ узилди.

Натижада, Трамп қулоғидан ярадор бўлган. Ҳозирда аҳволи яхши экани айтилмоқда.

Маълум бўлишича, ФҚБ то ўқ узилмагунча митинг яқинидаги бино томида одам борлигини билмаган. Ҳуқуқ-тартибот идоралари ходимлари қачонки ўқ овози эшитилгандан кейингина бунинг суиқасд эканлигини фаҳмлаган.

Хабарларга кўра, ўқ узган одам ва митинг қатнашчиларидан бири ҳалок бўлган. Шунингдек, яна икки киши ярадор бўлган.

Дональд Трамп эса махфий хизмат ҳимояси остида митинг ўтказилган ҳудудни тарк этган.