Оила ва хотин-қизлар қўмитаси бошчилигидаги Ўзбекистон делегацияси Россия Федерациясига ташриф буюриб, у ердаги ўзбекистонлик аёлларнинг иш шароити, турмушини ўрганди.

Маълум бўлишича, делегация Санкт-Питербург шаҳрида хорижий мамлакатларда турли сабаблар туфайли оғир вазиятга тушиб қолаётган ўзбек аёлларига ҳар томонлама кўмак кўрсатиш мақсадида сайёр қабуллар ҳам ўтказган.

Якунда эса Санкт-Питербург шаҳридаги 3-Болалар уйида вақтинча бўлиб турган 7 нафар бола Ўзбекистонга қайтариб олиб келинган.

Шунингдек, Ўзбекистонга қайтиш истагини билдирган фуқаро Й.Ибрагимова ва унинг фарзанди ҳам ўз ватанига қайтарилган.