Билимни баҳолаш агентлиги 2024/2025-ўқув йилида олий ва профессионал таълим муассасаларига ўқишга кириш тест синови ўтказиладиган бинолар бўйича маълумот берди.

Бунда:

▪️ Тест синови ўтказиладиган ҳудуднинг расми;

▪️ Ҳудудга кириш жойлари;

▪️ Тест синови ўтказиладиган жой номи;

▪️ Тест синови ўтказиладиган жой манзили;

▪️ Бино рақами;

▪️ Тест синови ўтказиладиган гуруҳлар;

▪️ Жойларнинг Гоогле харитадаги жойлашуви (геолокацияси) келтирилган.

Тест синовларини ўтказиладиган биноларни ушбу манзил орқали топиш мумкин.

Мазкур саҳифадан тегишли ҳудудни танлаб, ушбу ҳудуддаги тест синови ўтказиладиган бинолар бўйича маълумотлар билан танишиш имконияти мавжуд.

Шунингдек, «Абитуриент рухсатномаси»да берилган QR-код орқали ҳам бино жойлашган манзилни аниқлаш мумкин.

«Ҳурматли абитуриентлар! Тест синовларига кеч қолманг! Ўзингиз билан паспорт (ID-карта) ва абитуриент рухсатномасини олишни унутманг (акс ҳолда тест синовига кира олмайсиз)«, дейилади хабарда.