Ярим тайёр лағмонлар урологик касалликлар энг катта сабабчиси ҳисобланади.

Уролог жавоҳир Аллаёровнинг маълум қилишича, тез тайёр бўлувчи лағмонларнинг (лапша) таркибида 4 гр га яқин туз, 62 гр углевод, бундан ташқари, арзимаган миқдордаги, яъни, 7-9 гр га яқин оқсил мавжуд.

Бундай маҳсулотлар қуруқ «хашак» каби бўлиб, организмга ҳеч қандай наф бермайди.

Мазкур турдаги ярим тайёр овқатлар қон босимининг кўтарилиши, сийдик-тош касалликлари пайдо бўлишига олиб келади. Шунингдек, инфаркт, инсульт хавфини оширади.

«Айниқса, углеводларнинг кўплиги қандли диабет ҳамда семиришга олиб келади ва бу тестостерон миқдорининг тушишига сабаб бўлади», дейди уролог.