Россияда вояга етмаган фарзанди тамаки воситаларини қабул қилган ота-оналар жаримага тортилиши мумкин.

Бу бўйича Россия Соғлиқни сақлаш вазирлиги ҳамда Истеъмолчилар ҳуқуқларини ҳимоя қилиш ва инсон фаровонлигини назорат қилиш федерал хизмати (Роспотребнадзор) тегишли қонун лойиҳасини маъқуллади.

Янги қонун 16 ёшгача бўлган болалар тамаки ёки никотин моддасини сақловчи воситаларини қабул қилаётган вақт ушланса, уларнинг ота-онаси 7 000 рублгача жарима тўлаши кераклигини назарда тутади. Шунингдек, мумкин бўлмаган жойларда сигарет чекканлик учун жарима миқдорини ошириш, хусусан, болалар ўйингоҳида чекиш учун 30 минг рублгача жаримага тортиш таклиф қилинган.