Расм: Дарё.uz

Бухорда бўлиб ўтган вояга етмаганларнинг тўйи юзасидан Болалар омбудсмани расмий муносабат билдирди.

Маълум бўлишича, тўй вояга етмаган ёшларнинг оилалари ўртасидаги ўзаро келишув асосида ўтказилган.

Бу ҳақида олдинроқ хабар берган эдик.

Кейинги жараёнларда мазкур ҳолат юзасидан Қоракўл туман ИИБ ҳузуридаги тергов гуруҳи томонидан терговга қадар текширув ҳаракатлари олиб борилган.

Кеча, 2 июль куни эса вояга етмаганларнинг ота-оналари(Н.С. ва Н.Қ.)ни МЖтКнинг 47-3 моддаси (Никоҳ ёши тўғрисидаги қонунчиликни ёки никоҳ тузиш тартибини бузиш) билан маъмурий жавобгарликка тортиш юзасидан ҳужжатлар судга юборилган.

«Бу қонуний талабнинг бузилиши боланинг таълим олиш, соғлиғини сақлаш ҳамда жисмоний, ақлий ва маънавий уйғун равишда камол топиши ҳуқуқларига мутлақо зиддир», дейилади хабарда.