Юнусобод туманидаги «Мойқўрғон» кўчаси ва «Қорақамиш» кўчалари кесишмасида жойлашган Д1200мм катта сув ўтказгич тармоғида носозлик вужудга келди.

Натижада, тумандаги айрим кўчаларни сув бошган.

Хабарга кўра, носозлик туфайли Юнусобод туманидаги Тикланиш маҳалласи 1,2,3,4,5,6-тор кўчалари, «Ғиштқўрғон» кўчалари, «Астрабод» маҳалласи, «Туркистон, «Собиробод» маҳаллаларида, Зенит заводи, Прокуратура академияси, Пиво заводида сув таъминоти вақтинча тўхтатилади.

«Тезкор авария жамоалари носозликни бартараф этиш чораларини кўришмоқда», дейилади хабарда.

Маълумот учун, сувсиз қолган манзилларга махсус техникаларда сув етказилади.