Президент мактабларига кириш имтиҳонларининг биринчи босқичи 7 июль куни бошланади.

Имтиҳон вақти ва манзили ҳақидаги маълумот талабгорнинг телефон рақамларига смс-хабарнома орқали маълум қилинади. Бунда улар телефон рақамларини ариза.пиима.уз сайтига киритилган бўлиши лозим.

Кириш имтиҳонларининг биринчи босқичи математика фанидан ўтказилади.

Унда 30 та топшириқ тест шаклида берилади.

Ўқувчилар 60 дақиқа ичида ушбу топшириқларни бажариши лозим.

Эслатма! Мазкур вақтдан ташқари, талабгорларга кириш имтиҳонининг жавоблар варағини белгилаш учун қўшимча вақт берилмайди.

Маълумот учун, Тошкент шаҳри ва Тошкент вилоятининг имтиҳонлари Тошкент шаҳрида бўлиб ўтади.

«Президент мактабларининг кириш имтиҳонлари иккинчи босқичининг санаси ва вақти ҳақида қўшимча маълумот берамиз», дейилади хабарда.