Ўзбекистон терма жамоаси ва Россиянинг «ЦСКА» футбол клуби ярим ҳимоячиси Аббосбек Файзуллаев Испаниянинг «Вилярреал» клубига ўтиши ҳақида миш-мишлар тарқалмоқда.

Айниқса, бу ҳақида Испаниянинг Маrcа нашри хабар бергани бу хабар ҳақиқатга анча яқин эканлигини кўрсатади.

Маълум бўлишича, испан нашри ўзбек футболчисининг «Вилярреал» клубига ўтиши мумкинлигини ёзган.

«Осиё давлати матбуоти Россия жамоаси ёш футболчини «Вилярреал»га сотишга рози бўлгани ва фақат трансфернинг якуний шартларини келишиш қолганини таъкидламоқда. Шунингдек, улар клубнинг футболчи билан ҳам келишувга эришганини қайд этмоқда. Москва жамоаси ҳозирданоқ ўзбекистонлик футболчига ўринбосар қидирмоқда», дейилади хабарда.

Бироқ Чампионат.ациа бу ҳақида биронта расмий манба тополмаганини маълум қилди.

Ўзбек спорт нашрининг ёзишича, «сайт бу хабарни ҳеч бир расмийдан тасдиқлай олмаган».

Сайт ҳатто дунёнинг машҳур инсайдерларидан бири Жанлука Ди Марцио билан ҳам боғланган. Ди Марцио ҳам бу борада аниқ хабар топиб беролмаган.

Шундан сўнг, улар «Вилярреал» спорт директори билан боғланган.

«Файзуллаевнинг «Вилярреал»га ўтиши мумкинлиги ҳақидаги саволга Мигел Анхел Тена гап нимадалигини тушунмаётганини ва бу хабар нотўғри эканини маълум қилди», дейилади миллий спорт нашрининг хабарида.

Маълумот учун, яқинда Трансфермаркет Файзуллаевнинг нархини 6 млн еврога баҳолаган эди.