Ўмон Ўзбекистон фуқаролари учун визасиз режимни жорий қилди.

Маълум бўлишича, энди ўзбекистонликлар мазкур мамлакатда 14 кун давомида визасиз юриши мумкин. Бу ҳақида Ўмоннинг Ўзбекистондаги элчихонаси маълум қилган.

Шунингдек, агар мамлакатда мазкур муддатдан кўпроқ вақт мобайнида бўлишни истаган ўзбекистонликлар бўлса, улар Ўмонга кириш пайтида аэропортнинг ўзида кириш визасини расмийлаштириши мумкин.

Маълумот ўрнида, 2021 йил 1 мартдан бошлаб Ўмон фуқаролари учун Ўзбекистон ҳудудига 10 кунлик муддатга визасиз режим жорий қилинган.

Олдинроқ ТИВ ўзбекистонликлар визасиз саёҳат қилиши мумкин бўлган давлатлар рўйхатини эълон қилган эди.