Нарпай туманида ўтказилган халқ депутатлари туман Кенгашининг навбатдан ташқари сессиясида Нарпай туманига янги ҳоким сайланди.

Сессияда депутатлар томонидан Буранов Шербек Эркинович номзоди Нарпай тумани ҳокими лавозимига тасдиқланган.

2020 йилдан буён туманга раҳбарлик қилиб келган Рахманов Шерзод эса бошқа ишга ўтаётганлиги сабабли туман ҳокими лавозимидан озод этилган.

Маълумот учун, Шербек Буранов 1985 йилда Самарқанд вилояти Нарпай туманида туғилган.

2003 йилдан бошлаб банк тизимида турли лавозимларда фаолият олиб борган.

У 2021 йилдан буён Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг аъзоси ҳисобланади.