Бугун, 21 июнь бўлиб ўтган Сенатнинг эллик учинчи ялпи мажлисида бош прокурор лавозимига номзод кўриб чиқилди.

Маълум бўлишича, сенаторлар Ниғматилла Йўлдошевни бир овоздан бош прокурор лавозимига маъқуллаган. Овоз бериш жараёнида қаршилар ва бетарафлар бўлмаган.

Шу ҳисобда, Ниғматилла Тўлқинович Йўлдошев иккинчи муддатга бош прокурор лавозимига тасдиқланди.

Маълумот учун, Йўлдошев 2019 йил 20 июнда Ўзбекистон бош прокурори этиб тайинланган эди.

Таъкидлаш лозим, Ўзбекистонда бош прокурорнинг ваколат муддати 5 йил этиб белгиланган.