Сиртқи таълим шаклидаги педагогик фаолиятга оид бакалавриат таълим йўналишларига топширишда камида 5 йил иш стажи талаб этилади. Мазкур тартиб Давлат комиссиясининг тегишли баёни билан 2023/2024-ўқув йилидан бошлаб амал қилиб келмоқда ва ушбу йўналишлар рўйхати ҳам тасдиқланган.

Улар қуйидагилар:

◻️ бошланғич таълим;

◻️ тасвирий санъат ва муҳандислик графикаси;

◻️ мусиқа таълими;

◻️ жисмоний маданият;

◻️ технологик таълим.

Республикадаги барча давлат ва нодавлат ОТМлар юқоридаги йўналишларга сиртқи таълим учун абитуриентларни фақатгина 5 йиллик иш стажи асосида қабул қилиши мумкин.

Шунингдек, яна 14 та йўналишда сиртқи таълим шакли олиб ташланган. Бу ҳақида олдинроқ хабар берган эдик.