Диагностик тест хизмати онлайн шаклда ишга туширилди.

Маълумки, Билимни баҳолаш агентлиги томонидан ОТМларга кириш тест синовлари форматидаги диагностик тест синовлари ўтказилиб келинади. Мазкур хизмат шу пайтгача қоғоз шаклда бўлиб, билимини синамоқчи бўлган абитуриентлар белгиланган ҳудудга бориб, тест топшириши керак эди.

Эндиликда улар ушбу хизматдан электрон шаклда фойдаланиши мумкин.

Диагностик тест синовлари орқали абитуриентлар ўз билимини синовдан ўтказиш ва ОТМларга кириш тест синовларига пухта тайёргарлик кўриш имкониятига эга бўлади.

Шунингдек, бакалавриат босқичига кириш имтиҳонларида тушадиган мажбурий фанлар бўйича тест топшириқларини ишлаш учун @BMB_Quiz_bot Telegram боти ҳам ишга туширилган.

Мазкур бот орқали мажбурий фанлардан тест топшириқларини электрон шаклда ишлаш имкони мавжуд.