Мутахассислар бош оғриғининг қаерда бошланишига қараб унинг сабабларини билиш мумкинлигини таъкидлайди.

Жумладан:

▪️ Чакка қисмида оғриқ – қон босимининг кескин ўзгариши, организмга токсинлар тушганда ёки юқумли касаллик юққанда пайдо бўлади;

▪️ Энса, ёки бошнинг орқа қисмида оғриқ – юқори қон босими, остеохондроз, спондилёз, бўйин мушакларининг толиқишидан келиб чиқади;

▪️ Пешона ёки бошни олд қисмида оғриқ – пешона бўшлиғи шиллиқ қаватининг яллиғланиши, мия ички босимининг ошиши, менингит, пневмония, безгак, тиф туфайли юзага келади. Бундай оғриқ кузатилса, зудлик билан шифокорга мурожаат этиш зарур;

▪️ Кўз атрофида оғриқ – мигрень, вегетатив-қон томир дистонияси, кўз касалликлари сабаб келиб чиқади.

Шунингдек, мутахассислар мунтазам тарзда бўлиб турадиган бош оғриғидан огоҳлантиради. Улар бу сурункали касалликдан сигнал бўлиши мумкинлигини айтади.