Жиззах шаҳрининг «Хайробод» маҳалласида яшовчи И.М. ички ишлар органларига мурожаат қилиб, ўғли М.Т.ни Шароф Рашидов туманининг «Хайробод» маҳалласида истиқомат қилувчи А.Я. Америкага ишлашга юборишини айтиб, 14 минг 300 АҚШ доллари олгани, лекин фарзандини Жанубий Африкага жўнатганлигини маълум қилган.

Аризачининг айтишича, ўғли М.Т. Африкада чорасиз қолиб кетган. Фирибгар А.Я. эса ундан вазиятни ўнглаш учун яна 6 минг 700 АҚШ доллари талаб қила бошлаган.

Хабарга кўра, мазкур мурожаат асосида тезкор тадбир ўтказилиб, А.Я. 6 минг 700 АҚШ доллар миқдоридаги пулни олаётган вақтда ушланган.

Ҳозирда ҳолат юзасидан жиноят иши қўзғатилган.