Садир Жапаровнинг яқин келажакда Ўзбекистонга давлат ташрифи билан келиши режалаштирилмоқда. Бу ҳақида Қирғизистон Республикаси Иқтисодиёт ва савдо вазири ўринбосари Санжар Болотов маълум қилган.

Расмийнинг таъкидлашича, давлат раҳбарларининг бўлажак учрашуви мамлакатлар ўртасидаги дўстона алоқаларни мустаҳкамлаш, қўшничилик ва ўзаро манфаатли муносабатларни янада ривожлантиришда муҳим омил бўлади.

«Президентлар олдимизга мамлакатлар ўртасидаги товар айирбошлаш ҳажмини 2 миллиард АҚШ долларига етказиш вазифасини қўйди. Бу қийин, аммо эришиш мумкин бўлган мақсад. Бунга эришиш учун биргаликда ҳаракат қилишимиз, барча мавжуд восита ва механизмлардан фойдаланишимиз керак. Ишончим комилки, биргаликдаги саъй-ҳаракатлар билан биз нафақат бунга эришамиз, балки мазкур кўрсаткичдан ҳам ошиб кетамиз, — деган вазир ўринбосари.