Бугун, 13 июнь куни соат 06:30 ларда Булунғур тумани «Олмазор» МФЙ ҳудудидан ўтган М-39 автомобиль йўлининг 1046-км да Йўл транспорт ҳодисаси содир бўлган.

Унда «Тошкент-Самарқанд» йўналишида ҳаракатланиб келаётган Дамас қарама-қарши томондан ҳаракатланаётган Cobalt'нинг олд томонидан келиб урилган.

Ҳодиса натижасида Damas автомобили ҳайдовчиси олган тан жароҳатлари сабаб шифохонага жўнатилган, бироқ у йўлда вафот этган.

Ҳозирда мазкур ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.