Иброҳимжон Ҳалимбеков Фарғона вилоят телерадиокомпанияси директори этиб тайинланди. Бу ҳақида вилоят ҳокимлиги матбуот хизмати хабар берди.

Янги раҳбар бунгача Президент Администрацияси ҳузуридаги Ахборот ва оммавий коммуникациялар агентлиги вилоят бошқармаси бошлиғи лавозимида ишлаб келаётган эди (2022 йилдан бери).

Иброҳимжон Ҳалимбеков 1973 йилда Фарғона шаҳрида туғилган. Маълумоти олий. Меҳнат фаолиятини 1995 йилда «Фарғона ҳақиқати» газетасида бошлаган.

Маълумот ўрнида, вилоят телерадиокомпаниясининг собиқ директори Баҳромжон Обиджонов эса вилоят ҳокимлигининг «Янги Фарғона» — «Новая Фергана» газеталари бош муҳаррири бўлди.