Омбудсманнинг Тошкент шаҳридаги минтақавий вакили Тошкент шаҳри «Саховат» интернат уйига мониторинг ташрифини амалга оширганда 15 нафар қария «Саховат» уйида ўрнатилган тартибга зид равишда яшаб келаётгани аниқланган.

Маълум бўлишича, фарзандлари бўла туриб, улар шу ерда яшашдан бошқа иложи қолмаган. Яъни, болалари ғамхўрлик қилишдан бош тортганлиги учун муассаса раҳбарияти кексаларни муассасага қабул қилишга мажбур бўлган.

Хабарда айтилишича, фарзандлар Ўзбекистон Республикаси Конституциясининг 80-моддасида келтирилган бандни онгли равишда бажармаган.

«Вояга етган меҳнатга лаёқатли фарзандлар ўз ота-оналари ҳақида ғамхўрлик қилишга мажбур эканликлари белгиланган».

Ўзбекистон Республикаси Конституцияси 80-модда.