Конвенция ижрочилар, фонограмма тайёрловчилар ва эшиттириш ташкилотларининг турдош ҳуқуқларини аҳдлашаётган давлатларда ўз ҳуқуқларини ҳимоя қилишнинг миллий режимини уларга тақдим этиш йўли билан ҳимоя қилишга қаратилган.

Ҳужжатда қуйидаги шартлар қайт этилган:

◻️ Ўзбекистон фақат эшиттириш ташкилотининг штаб-квартираси бошқа аҳдлашувчи давлатда жойлашган бўлса ва узатиш худди шу давлатда жойлашган узатувчи ёрдамида амалга оширилган тақдирда эфирга узатишни таъминлайди;

◻️ Ўзбекистон тайёрловчиси бошқа аҳдлашувчи давлатнинг фуқароси ёки юридик шахс ҳисобланмайдиган фонограммаларга нисбатан 12-моддани қўлламайди.

Конвенцияга қўшилиш интеллектуал мулк ҳуқуқларини ҳимоя қилишнинг илғор халқаро стандартларини жорий этишга, шунингдек Ўзбекистон обрўсининг ошишига кўмаклашади.

Ҳужжат Қонун ҳужжати миллий базасида давлат тилида эълон қилинган ва 2024 йилнинг 6 июнидан бошлаб кучга кирди.