83 ёшли пенционерни чув туширган фирибгар аёл қўлга олинди.

Маълум бўлишича, Бухоро вилоятида яшовчи 83 ёшли D.N. (аёл) ариза билан мурожаат қилиб, 3 минг АҚШ доллари номаълум шахс томонидан фирибгарлик йўли билан ўзлаштирилганлигини маълум қилган.

Ўтказилган тезкор-қидирув тадбирлари натижасида, мазкур жиноятни Бухоро вилоятида яшовчи аёл S.S. содир этганлиги аниқланган.

Очиқланишича, гумонланувчи аёл S.S. жабрланувчи D.N.ga қўнғироқ қилиб, унинг невараси йўл транспорт ҳодисасига учраганлиги, зудлик билан пул кераклигини айтиб, уни алдаган ва яшаш уйига келиб, 3 минг АҚШ долларини олиб кетган.

Ҳозирда мазкур ҳолат юзасидан S.S.ga нисбатан ЖКнинг 168-моддаси 2-қисми билан жиноят иши қўзғатилган.

Маълумот ўрнида, ушбу бандларда судланувчига жиноий хатти-ҳаракатлар учун 3 йилдан 5 йилгача озодликдан маҳрум қилиш жазоси тайинлаш назарда тутилади.