Ўзбек тили онлайн таълим платформаси ишлаб чиқилди.

Маълум бўлишича, бу билан хорижда яшовчи ўзбекларнинг фарзандлари ва тил ўрганишни хоҳловчиларга ўзбек тилини ўргатиш, уларни миллий урф-одат, анъана ва қадриятларимиз билан яқиндан таништириш мақсад қилинган.

Платформа «Ватандошлар» жамоат фонди ҳамда Мактабгача ва мактаб таълими вазирлиги билан ҳамкорликда ишга турилган.

Платформада рўйхатдан ўтганлар 24 та машғулотни ўзлаштириш орқали ўзбек тилининг А1 даражасини олиши мумкин.

Кейинги даражаларга (А2, А3 ва б.) оид машғулотлар ҳар йили тайёрланиб, платформага қўшиб борилади.

Машғулотларни муваффақиятли тамомлаган ўқувчиларга Педагогик маҳорат ва халқаро баҳолаш илмий-амалий маркази томонидан махсус сертификат берилади.