Барселонада жойлашган ва бу йил ўзининг 10 йиллигини нишонлаётган Дисфрутар ресторани Британиянинг Тҳе Рестаурант журнали томонидан тузилган «Дунёнинг энг яхши 50 ресторани» рейтингида биринчи ўринни эгаллади.

Каталониялик уч ошпаз тарафдан очилган бу ресторан учта Мишлен юлдузига эга.

Иккинчи ўринни ҳам испан ресторани Асадор Эхтебарри банд қилган. Франциянинг Табле ресторани учинчи бўлган.

Тҳе Рестаурант журнали 2002 йилдан бери дунё ресторанлари жадвалини тузиб келади. Рўйхат турли мамлакатлардан келган мингдан ортиқ ошпазлар, реставраторлар ва танқидчиларнинг фикрлари асосида шакллантирилади.