Инобат Аҳатова Бекмирза қизи Oyina.uz портали бош муҳаррири лавозимига тайинланди.

U bungacha Oyina.uz portali bosh muharriri oʻrinbosari lavozimida ishlab kelgan.

Инобат Аҳатова 1995 йили 8 май куни Самарқанд вилояти Нарпай тумани Хўжа қишлоғида туғилган. 2017 йили Мирзо Улуғбек номидаги Ўзбекистон Миллий университети журналистика факультети бакалавриатини, 2020 йили Ўзбекистон Журналистика ва оммавий коммуникациялар университети магистратурасини тугатган.

У иш фаолиятини 2017 йили «Маданият ва маърифат» телеканалида бошлаб, шундан сўнг Ўзбекистон Миллий ахборот агентлиги (ЎзА), «Халқ сўзи» газетасининг xs.uz сайтида турли лавозимларда хизмат қилган.

«Ўзбекистон баҳори» II республика анъанавий ижод фестивалининг интернет журналистика йўналиши ғолиби (2019), Ўзбекистон Ёшлар ишлари агентлиги томонидан ташкил этилган «Таҳсин» мукофоти соҳиби (2021), Анъанавий «Зомин» семинарининг бадиий публицистика йўналиши бўйича республика босқичи иштирокчиси (2022), «Энг улуғ энг азиз» танлови Республика босқичи ғолиби (2022), Ўзбекистон Журналистлар уюшмаси томонидан ўтказилган «Атиргул» танлови ғолиби (2023).