Туризм соҳаси яхши ривожланган кўплаб мамлакатларда анъанавий фестиваллар доимий бир вақтда ўтказиб келинади.

Бизда эса бу каби фестивалларнинг аниқ вақти маълум қилинмаганлиги ҳам сайёҳлар оқимига салбий таъсир қилиб келмоқда. Сабаби, улар ўз туризм маршрутлари йўналишини белгилашда ана шундай фестиваль саналарига алоҳида эътибор қаратишади. Аниқ белгиланмаган кунлар эса уларни чалғитади.

Эндиликда юртимизда ўтказиладиган анъанавий фестивалларнинг ҳам доимий аниқ саналари белгиланади. Жорий йилнинг 3-июнь куни Президент раислигида ўтган туризм соҳасига оид видеоселектор йиғилишида ана шу масала ҳам кўриб чиқилган.