Республика Маънавият ва маърифат марказида олимлар, зиёлилардан иборат экспертлар гуруҳининг йиғилиши бўлиб ўтди.

Унда бугунги тарғибот борасида олдинда турган муҳим масалалар, замонавий методлардан фойдаланиш, жамиятда китобхонлик даражасини ошириш масалалари муҳокама қилинди.

Жумладан, ҳозирда 31 мингдан ортиқ маънавий-маърифий соҳага масъул бўлган ходимлар мавжуд, бироқ шу вақтгача уларнинг самарали фаолияти учун аниқ методик қўлланма, йўриқномалар ишлаб чиқилмаган.

Эндиликда Марказ томонидан соҳа мутахассислари билан ҳамкорликда бу борада аниқ мақсадларга қаратилган методик тавсиялар, қўлланмалар тайёрланмоқда.

Йиғилишда, шунингдек, зиёлилар мавжуд лойиҳалар билан таништирилди. Уларнинг фикрларини тингланди.