Президент туризм салоҳиятини тўлиқ очиб берувчи глобал тарғибот кампаниясини йўлга қўйиш вақти келганини айтди.

Бунда телевидение ва онлайн платформалар билан бирга ижтимоий тармоқлардан ҳам фойдаланиш муҳимлиги таъкидланди.

Шу мақсадда мутасаддиларга 1 октябрга қадар «миллий туризм бренди» тўғрисида контент яратиш учун танлов ўтказиб, халқаро платформаларда тарғиботни йўлга қўйиш топширилди.

Буларнинг амалга ошириш учун эса жорий йилда 5 млн доллар маблағ ажратилади.

Шу қаторда, мамлакатимизга туристларни кенг кўламда жалб этиш учун хорижлик блогерлар таклиф этилади.

«Аудиторияси 10 миллиондан ортиқ бўлган камида 50 нафар чет эллик блогерлар учун инфо-турлар ташкил қилиниши белгиланди», дейилади хабарда.