Аёлларни энг кўп иш билан таъминлаётган ТОП-10 корхона номи айтилди.

Мазкур рўйхатда «Навоий кон металлургия комбинати» АЖ пешқадам. Ушбу акциядорлик жамиятида айни вақтда 12 444 нафар аёл ходим ўз иш фаолиятини олиб бормоқда.

Табиийки, текстиль корхоналарида ишчи куч асосан хотин-қизлар бўлади. Шу ҳисобда рўйхатдаги иккинчи ўринни «UzTex Group» МЧЖ 11 511 нафар аёл ишчилар билан банд қилган.

Шунингдек, энг кўп аёл ходимлар ишлайдиган ташкилотлар рўйхатининг кейинги қаторидан «Олмалиқ кон-металлургия комбинати» АЖ (8234 нафар), «Ўзбекистон почтаси» АЖ (5217 нафар), «Anglesey Food» МЧЖ (4640 нафар) ва бошқалар жой олган.

Қуйида ташкилотларнинг тўлиқ таркиби келтирилган:

Маълумот учун, ушбу корхоналарнинг 4 таси хусусий ҳисобланади («UzTex Group», «Anglesey Food», «Зарафшон Текстиль» ва «Urgut Silk Fiber Company»)

Шу ўринда таъкидлаш лозим, умумий ҳисобда энг кўп ходим ишлайдиган корхоналар ичида «Навоий кон металлургия комбинати» АЖ йирик иш билан таъминловчи зона ҳисобланади. Корхона жами ишловчиларнинг сони 48 266 нафар.