Ўзбекистон Республикаси Президентининг “Маънавий-маърифий ишлар тизимини тубдан такомиллаштириш чора-тадбирлари тўғрисида”ги қарорида белгиланганидек, ҳудудларда 2021-2023 йилларда босқичма-босқич Маънавият ва маърифат масканлари барпо этилиши белгилаб қўйилган.

Қарор ижросини таъминлаш мақсадида, кеча, 14 декабрь куни Жиззах вилояти Бахмал туман ҳокими, Маънавият ва маърифат Кенгаши раиси Муса Анарбаев бошчилигида ҳудудда янги Маданият ва маънавият масканининг очилиш маросими бўлиб ўтди.

Меҳмонлар масканда яратилган шарт-шароитлар билан яқиндан танишдилар ҳамда масъуллар билан биргаликда маънавий-маърифий ишлар самарадорлигини ошириш, ижтимоий-маънавий муҳитни яхшилаш бўйича ўз таклиф ва тавсиялари билан ўзаро фикр алмашдилар.