Китоблик келиннинг сеплари турмуш ўртоғининг уйидан олиб берилди

Маълум бўлишича, Китоб туманида яшовчи Ф.Ф. собиқ турмуш ўртоғи Ш.Х.нинг хонадонидан келинлик сепини олиб кета олмагани учун Фуқаролик ишлари бўйича Шаҳрисабз туманлараро судига мурожаат қилган.

Натижада, суднинг 17 апрелдаги ижро варақасига асосан жавобгардан жами 16 турдаги мол-мулкларини олиб бериш белгиланган.

Мазкур ижро ҳужжати юзасидан Мажбурий ижро бюроси Шаҳрисабз туман бўлими ходимлари томонидан олиб борилган ижро ҳаракатлари натижасида келиннинг барча буюмлари, уй жиҳозлари ва анжомлари тўлиқлигича келинга олиб берилган.