Уч ёшга тўлмаган болага музқаймоқ бериш тавсия этилмайди.

Сабаби, уч ёшгача бўлган болалар ошқозон-ичак трактининг айрим функциялари ҳали тўлиқ шаклланмаган бўлади.

Мутахассиснинг фикрича, ҳалқумда маҳаллий иммунитетнинг яхши ривожланмаганлиги ҳисобига боланинг томоғи оғриб қолади. Гарчи унинг овқат ҳазм қилиш тизими сутни яхши ўзлаштирса-да, музқаймоқ таркибидаги бошқа қўшимчалар унга оғирлик қилади.

«Болаларга музқаймоқ танлаганда шакар ва ёғ миқдори минимал бўлган, консервант, бўёқлар ва ароматларсиз музқаймоқни танлаш керак», дейди шифокор.

Бундан ташқари, 6-7 ёшгача бўлган болаларга музқаймоқни эритилган ҳолда бериш лозим. Шунда юзага келиши мумкин бўлган эҳтимолий томоқ оғриғининг олдини олинган бўлади.