Қозоғистоннинг Жезқазған шаҳрида автомобилда бир ўзи қолган 5 яшар бола, қўл тормозини бехосдан тушириб, йўлда кетаётган 5 кишини уриб юборган.

Автомобиль Grand palace ресторани яқинидаги қияликка жойланган бўлиб, қўл тормози туширилгач, орқасида юриб кетаётган одамларни уриб кетган. Бу ишни содир этган бола эса машинадан тушиб, ортга югуриб кетган.

Кўнгилсизлик оқибатида 5 йўловчининг барчаси жароҳатланган: эркакларнинг қовурғаси синиб, уларга ички аъзоларнинг ёпиқ жароҳатланиши ташхиси қўйилган.

Содир бўлган воқеа юзасидан жиноий иш қўзғатилган. Боланинг ота-онаси боланинг машинада ёлғиз қолишига бепарволик қилгани юзасида кўрсатма бериши керак.