22 апрель куни Тожикистон пойтахти Душанбеда «Тожикфилм» ҳамда Ўзбекистон Кинематография агентлиги раҳбарияти учрашуви бўлиб ўтди.

Унда томонлар ҳамкорлигида «Юлдузлар шуъласи: Жомий ва Навоий» номли бадиий фильм сценарийсини ишлаб чиқиш бўйича битим имзоланди.

Экспертларнинг 13-19 апрель кунлари бўлиб ўтган ҳамкорлик учрашувида сценарийга якуний ўзгартиришлар киритилиб, унинг сўнгги варианти тасдиқланган.

Хабарда айтилишича, яқин кунларда фильмни суратга олиш ишлари бошланади.