Мудофаа вазирлигининг хабарига кўра, НАТО мутахассислари Ўзбекистон армияси ҳарбий хизматчилари учун ўқув-машғулотларини ўтказмоқда.

Дарслар асосан, 16-18 апрель кунларига мўлжалланган бўлиб, Мудофаа вазирлигининг Кичик мутахассисларни тайёрлаш марказида олиб борилади.

16 апрель куни НАТО делегацияси Қуролли кучлар марказининг кичик мутахассислар тайёрлаш фаолияти, ўқув материаллар базаси ҳамда ўқув хоналаридаги шароит билан танишганди.

Маълумот учун, НАТО (North Atlantic Treaty Organization) – Шимолий Атлантика шартномаси ташкилоти саналади. Ташкилотга 1949 йил АҚШ томонидан Европа, АҚШ, Канада ва бошқа мамлакатлар бирлашган дунёдаги энг йирик ҳарбий ва сиёсий жамланма – «Европани ташқи таъсирлардан ҳимоя қилиш» мақсадида асос солинган.