Токио Олимпиадасининг бронза медали совриндори Давлат Бобонов ПСЖ клуби билан шартнома имзолади. Бу ҳақида Ўзбекистон дзюдо Федерацияси маълум қилди.

Қайд этилишича, ўз таркибига машҳур дзюдочиларни жамлаган Париж клуби Европа Лигасида иштирок этади. ПСЖ раҳбарияти Бобоновни ҳам ўз сафига қўшиб олган. Ҳамюртимиз клублар ўртасидаги Европа Лигасида Франция жамоаси шарафини ҳимоя қилади.

Эслатиб ўтамиз, ПСЖ таркибида афсонавий Тедди Ринер, шунингдек яқиндагина Абу-Даби "Катта Дубулға" турнирида чемпионлик шоҳсупасига кўтарилган молдовалик Денис Виеру, Альфа Жало сингари дзюдочилар бор.