Кеча, 28 март куни Сурхондарё вилояти ҳокими Улуғбек Қосимов ижтимоий соҳада амалга оширилаётган ишлар билан танишиш юзасидан Жарқўрғон туманига борган.

Ҳоким тумандаги 27-сонли оилавий поликлиникасида ҳам бўлган ва республикада биринчилардан бўлиб ҳамшираларга скутерлар ва патронаж сумкаларини топширган.

Бунга ҳудуд аҳолиси тарқоқ жойлашгани, патронаж хизмати кўрсатишда қийинчиликлар юзага келаётганлиги сабаб қилиб кўрсатилган.

Шу ҳисобда, энди тумандаги потранаж ҳамширалари скутерларда хонадонларга қатнайди.

Бундан ташқари, ушбу тиббиёт ходималарига УзГПРС тармоғига уланган планшетлар ҳам топширилган.