Дубай шаҳрида ўтказилган халқаро санъат фестивалида Замира Бешимова раҳбарлигидаги «Talent» гуруҳи миллий ва замонавий рақс йўналишларида 1- ва 2-ўринларни қўлга киритди.

«Arabian Music Festival» халқаро мусиқа ва рақс танловида Ўзбекистон, БАА, АҚШ, Қирғизистон, Қозоғистон, Россия каби давлатлардан 30 га яқин ижодий жамоалар қатнашди.

«Talents Projects» студияси 2020 йили очилган бўлиб, мақсади 4–17 ёш болаларнинг истеъдодини рўёбга чиқаришдан иборат.

Дубайда ўтган халқаро фестивалда Шокир Бешимов, Севинчбегим Мусаева, Фарзона Фармонқулова, Диёра Турғуналиева, Сардор Эргашев каби ўғил-қизлар ўзбек миллий рақс санъати жозибасини намойиш этиб, ғолиблар сафидан жой олишди.