Республика Маънавият ва маърифат маркази «Маърифат» тарғиботчилар жамияти томонидан Ўзбекистон Қаҳрамони Абдулла Орипов таваллудининг 80 йиллигига бағишлаб «Жаннатга йўл» асари чоп этилди.

Китоб ўзбек, рус ва инглиз тилларида «Ижод нашр» нашриёти томонидан нашр қилинди. Унга шоирнинг АҚШда ёзилган охирги асари «Самовий тўй» достони ҳам киритилди. Китобдаги учта достонни қирғизистонлик машҳур ўзбек шоири ва ёзувчиси Раҳим Каримов рус ва инглиз тилларига ўгирган.