24 февраль куни Ўзбекистон Маданият ва санъатни ривожлантириш жамғармаси Доҳада бўлиб ўтадиган «Design Doha Biyennale-2024»да Crafting Uzbekistan: Tradition in Threads – «Ҳунарманд Ўзбекистон: толалардаги анъана» кўргазма лойиҳасини тақдим этади.

Хабарда айтилишича, намойиш қилиниши режалаштирилаётган Ўзбекистоннинг бетакрор экспозицияси халқ ҳунармандчилигининг сўнгги 100 йил ичидаги эволюциясини, юртимиз анъанавий ҳунармандчилигининг нақадар бойлигини акс эттирган. Кўргазманинг энг диққатга сазовор тарафи ҳаракат пайти анъанавий газламаларимизни эслатувчи, ранглари ўзгарувчан линза кўринишидаги оёқ ости сатҳи ҳисобланади.

«Ҳунарманд Ўзбекистон: толалардаги анъана» кўргазма лойиҳасига 30 мартга қадар ташриф буюриш мумкин бўлади», – дейилади хабарда.