Ҳолатга Болалар омбудсмани муносабат билдирди.

Маълум бўлишича, видеодаги воқеа Тўрткўл туманидаги 5-сонли мактаб интернати тарбиячиси Д.М. томонидан 2013 йилда туғилган С.М. га нисбатан 2023 йилнинг октябрь ойида содир этилган.

«Интернат шаклидаги мактабларда таҳсил олаётган болалар тарбиячиларининг янада кўпроқ эътибори ва ғамхўрлигига муҳтож бўлса-да, айнан ана шу вазифа юклатилган инсонларнинг ўзи болага бундай номақбул муносабатда бўлишини ҳеч қандай ҳолатда оқлаб бўлмайди.

 

Бундай фактларга нисбатан мутлақо муросасиз бўлиб, бу каби ҳаракатларга йўл қўйган шахслар қатъий равишда қонун доирасидаги жавобгарликка тортилиши шарт», – дейилади хабарда.

Ҳозирда мазкур ҳолат юзасидан терговга қадар суриштирув ишлари олиб борилмоқда.