Самарқанд шаҳрида Ёввойи ҳайвонларнинг кўчиб юрувчи турларини сақлаб қолишга доир конвенция (CМС CОП14) иштирокчилари конференциясининг 14-йиғилиши бўлиб ўтди. Унда Ўзбекистон «2024-2026 йилларда экологик ўзаро боғлиқликни таъминлашга қўшган ҳиссаси учун» мукофотига лойиқ кўрилди.

Хабарда айтилишича, тақдирлаш маросими «Champion Night» тадбири доирасида бўлиб ўтган. Унда кўчиб юрувчи турларни сақлаш борасидаги улкан саъй-ҳаракатлари ва садоқатлари учун янги CМS чемпионлари мукофотланган

Сертификатни CМS ижрочи котиби Эми Френкел Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимовга топширган.