Маълум бўлишича, Баҳодир Ғуломов 2024 йилнинг 13 февраль куни соат 23:00ларда қўлга олинган.

Хабарга кўра, Ғуломов Бухоро вилояти прокуратураси иш юритувидаги «Когон ёғ-экстракция заводи» АЖ мансабдор шахсларига нисбатан жиноят иши бўйича қидирувда бўлган жамият таъсисчиси М.И.дан унга нисбатан қўлланилган қамоқ эҳтиёт чорасини бекор қилиш ва жиноят иши бўйича енгиллик қилиб беришни ваъда берган. Хизмати эвазига эса воситачи орқали Бухоро шаҳар шошилинч тез тиббий ёрдам маркази биноси яқинида 90 минг АҚШ доллари олишни мақсад қилган. Прокурор айнан белгиланган манзилда белгиланган суммани олаётганда ДХХ ходимлари томонидан ушланган.

Ҳозирда ҳолат юзасидан Бухоро вилояти прокуратураси томонидан терговга қадар текширув ҳаракатлари олиб борилмоқда.