Низомнинг 8-10-бандларига кўра, таълим ташкилотларининг педагог кадрларига малака тоифаси (лавозим) тўғридан-тўғри (аттестациядан ўтказилмасдан) берилиш тартиби белгиланган.

Вазирлик хабарига кўра, жорий йилнинг январь ойида белгиланган тартибда тўғридан-тўғри тоифа бериш тўғрисида Мактабгача ва мактаб таълими вазирлигига юборилган мурожаатлар ўрганиб чиқилиб, қатор ўқитувчиларга тўғридан-тўғри малака тоифалари берилган.

Уларга педагог кадрга тўғридан-тўғри тоифа бериш тўғрисидаги сертификатлар расмийлаштирилган.

«Мазкур ўқитувчилар ўз сертификатларини шахсий кабинетлари орқали юклаб олишлари мумкин», – дейилади хабарда.