Янги ўқув йилидан бошлаб, техникумларда ўқитиш «академик» ва «ишчи касб» компонентларининг узвийлигини таъминлайдиган янги тизим асосида йўлга қўйилади. Яъни, коллеж-техникумнинг 1-2 курсидаги таълим дастурлари, дарсликлар, билимни баҳолаш мезонлари ва муаллимларга талаблар олийгоҳлар билан бир хил бўлади.

Шу билан бирга, техникумларда «кредит тизими» жорий қилиниб, фанни ўзлаштириш бўйича тўпланган «кредитлар» олийгоҳларда тан олинадиган тизим бўлади. Яъни, коллеж-техникумда икки йил давомида етарли «кредит» тўплаган ўқувчилар «2+2» ёки «2+3» дастурлари асосида олийгоҳларнинг иккинчи ёки учинчи курсларида таълимни давом эттириш имкониятига эга бўлади.