Хабарга кўра, WBA ташкилоти профессионал бокснинг энг енгил вазнида амалдаги жаҳон чемпиони, таиландлик Тамманун Ниёмтронг ҳимоя жангини айнан Ҳасанбой Дўсматовга қарши ўтказишини тасдиқлаган.

«Бутунжаҳон бокс ассоциацияси (WBA) Дўсматов – Ниёмтронг қарама-қаршилигидаги жанг борасида томонлар келишувга эришиши ва музокаралар ўтказиши учун 30 кунлик муҳлатни белгилади», – дейилади хабарда.

Маълумот учун, 33 ёшли Ниёмтронг фаолияти давомида 24 та жанг ўтказган ва барчасида ғалаба қозонган.

Профессионал боксда 6 та жанг ўтказиб, барчасида ғолиб бўлган Дўстматов ҳозирда Болгарияда ташкил этилаётган «Странджа-2024» халқаро турнирида иштирок этмоқда.