Маълум бўлишича, Олий таълим вазирлиги 5 та хусусий ОТМнинг лицензиясини бекор қилиш бўйича судга ариза берган.

Қонунчиликка кўра, лицензияси тугатилаётган нодавлат ОТМ талабаларига ўқишини бошқа жойга кўчиришга рухсат берилади, аммо бу пайтда ўқишни кўчиришга ариза бериш муддати тугаган бўлса-чи? Талаба нима қилади?

Kun.uz'нинг маълум қилишича, вазирлик ҳолатга изоҳ беролмаслигини билдирган.

«Модомики, лицензия берувчи ва уни бекор қилиш бўйича судга ариза киритувчи ташкилот вазирлик экан, бу саволга вазирликдан ташқари ким жавоб беради? Ахир талаба вазирлик берган лицензияга ишониб, ўқишга кирган», — дейилади хабарда.