Жорий йилнинг 21 апрель куни бўлиб ўтадиган VI Тошкент халқаро марафони йирик оммавий спорт тадбирларидан бири ҳисобланади.

У мамлакатимизда ташкил этиладиган ягона World Athletics Label даражасидаги тадбир бўлиб, бу сафар иштирокчи давлатлар географияси кенгаяди, яъни 32 мамлакатдан моҳир югурувчилар баҳс олиб бориши кутилмоқда.

Маълумот учун, пойгалар марафон (42 км, 195 метр), ярим марафон (21 км), шунингдек, 3 ва 10 км масофаларга югуриш йўналишларида ўтказилади.

Шу билан бирга, тадбир доирасида болалар учун «Kids Run» ва скандинавча юриш бўйича беллашувлар ҳам ташкил этилиши режалаштирилган.

Бу йил соврин жамғармаси 720 миллион сўмни ташкил қилади.