Унда Маънавият ва маърифат маркази ҳамда қатор вазирлик ва идоралар ходимлари, давлат ва жамоат арбоблари, шоирлар, ёзувчилар, адабиётшунослар, талаба ва ўқувчилар, ижодий ташкилотлар ҳамда кенг жамоатчилик вакиллари иштирок этмоқда.

Авлодлар ўзининг буюк аждодларини унутмаслиги, улар билан фахрланиши, уларнинг ижодига, ташлаб кетган меросига эҳтиром кўрсатиши миллатнинг бир бутун бўлишига, миллий ғурур, ватанпарварлик туйғуларини шакллантиришга хизмат қилади.

Ғазал мулкининг султони, турк тилини «тирилтирган» улуғ шоирнинг 583 йиллиги республикамиз бўйлаб кенг нишонланмоқда.