Президент Шавкат Мирзиёев 16 декабрь куни Жанубий Кореяга уч кунлик давлат ташрифи билан боради.

Президент Мун Чжэ Ин ва Ўзбекистон президенти Шавкат Мирзиёев келаси ҳафта Сеулда икки давлат ўртасидаги дўстлик ва ҳамкорликни ривожлантиришга бағишланган саммит ўтказади, деб хабар қилди Жанубий Корея президент девони.

Президент матбуот котиби Пак Кюнг Мига кўра, Мирзиёев 16 декабрда Жанубий Кореяга уч кунлик давлат ташрифи билан боради, саммит 17 декабрда бўлиб ўтади.

“Мун ва Мирзиёев икки халқ ўртасидаги келажакка йўналтирилган ва ўзаро манфаатли ҳамкорликни юксалтириш чора-тадбирларини муҳокама қилиши кутилмоқда. Жанубий Корея ва Ўзбекистон келаси йили дипломатик алоқалар ўрнатилганининг 30 йиллигини нишонлайди”, – дея қўшимча қилди Парк.